Сүүлд шинэчлэгдсэн: 2026 оны 7-р сар
Цуглуулдаг мэдээлэл
Бид дараах мэдээллийг цуглуулна: • Утасны дугаар (баталгаажуулалтад) • Нэр (профайлд) • Захиалгын түүх • Аяллын маршрут (хайлт, захиалга) • Байршлын мэдээлэл (доор тусад нь тайлбарласан) • Жолоочийн хувьд: тээврийн хэрэгслийн мэдээлэл, өөрийн зураг, жолооны үнэмлэхний зураг (баталгаажуулалтад) • Апп доторх төлбөр идэвхтэй үед: хэтэвчний үлдэгдэл, цэнэглэлт болон аяллын төлбөрийн түүх
Байршлын мэдээлэл
Апп нь байршлын зөвшөөрлийг зөвхөн "ашиглаж байх үед" (When In Use) горимоор асууна — арын дэвсгэрт, апп хаалттай үед байршлыг цуглуулахгүй. • Жолооч: аялал ЭХЭЛСЭН үеэс ДУУСТАЛ байршил нь тухайн аяллыг захиалсан зорчигчдод газрын зураг дээр харагдана. Аялал дуусмагц дамжуулалт зогсоно. • Зорчигч: маршрут, зай тооцоолох, ойролцоох аялал харуулахад ашиглана. Байршлын түүхийг сурталчилгаа, зан төлөв судлах зорилгоор ашиглахгүй, гуравдагч этгээдэд зарахгүй. Байршлын зөвшөөрлийг утасныхаа тохиргооноос хэдийд ч цуцалж болно — тэр үед газрын зурагтай холбоотой боломжууд хязгаарлагдана.
Мэдээллийг хэрхэн ашиглах вэ
Таны мэдээллийг зөвхөн: • Аялалыг зохицуулахад • Жолооч-зорчигч холбоход • Жолоочийг баталгаажуулахад • Апп-ийн чанарыг сайжруулахад ашиглана.
Мэдээлэл дамжуулах
Таны утасны дугаарыг захиалга хийсний дараа зөвхөн тухайн аяллын жолоочид харуулна. Гуравдагч маркетингийн компанид таны мэдээллийг хэзээ ч дамжуулахгүй. Үйлчилгээ үзүүлэхэд зайлшгүй шаардлагатай дараах гуравдагч талын үйлчилгээг ашигладаг: • Утасны дугаар баталгаажуулалт — бүртгүүлэхэд таны дугаарыг Verify.MN (Бату Майнд ХХК) руу дамжуулж, тухайн дугаар танайх мөн эсэхийг шалгана. Зөвхөн утасны дугаар дамжина. • Зураг хадгалалт — селфи болон жолооны үнэмлэхний зургийг шифрлэгдсэн cloud storage-д хадгална. Үнэмлэхний зураг нийтэд НЭЭЛТТЭЙ биш, зөвхөн админ богино хугацааны нууц холбоосоор үзнэ. • Мэдэгдэл — push мэдэгдлийг Expo-гийн үйлчилгээгээр дамжуулна. Төлбөрийн талаар: аяллын төлбөрийг зорчигч жолоочид биечлэн бэлнээр төлж болно — энэ тохиолдолд апп төлбөрийн ямар ч мэдээлэл хөндөхгүй. Апп доторх төлбөр (хэтэвч) идэвхтэй үед хэтэвчээ QPay-ээр цэнэглэх боломжтой: цэнэглэлтийг гүйцэтгэхэд шаардлагатай хэмжээний мэдээлэл (гүйлгээний дүн, нэхэмжлэлийн дугаар) QPay руу дамжина. Картын дугаар, CVV, банкны нэвтрэх мэдээллийг апп ХАРАХГҮЙ, ХАДГАЛАХГҮЙ — тэдгээрийг зөвхөн та өөрийн банкны апп дээр оруулна.
Мэдээлэл хадгалах хугацаа
Бүртгэл устгах хүсэлт гаргамагц таны хувийн мэдээлэл (профайл, селфи зураг, session, чат) шууд устгагдана. Санхүүгийн гүйлгээний бүртгэлийг нягтлан бодох бүртгэл, хуулийн шаардлагын дагуу тодорхой хугацаанд хадгалах шаардлагатай тул тэдгээр нь бүртгэлээс салангид хэлбэрээр үлдэж болно. Хуулийн шаардлагаар хязгаарлагдмал хэмжээний мэдээллийг тодорхой хугацаанд хадгалахаас өөр аргагүй тохиолдол байдаг: • Таны талаар бусад хэрэглэгчийн гаргасан гомдол устахгүй. Энэ нь таны биш, гомдол гаргасан хүний мэдээлэл бөгөөд бусад хэрэглэгчийн аюулгүй байдалтай холбоотой. Хэрэв та гомдол гаргасан бол таны нэр тэндээс салгагдана. • Шийдвэрлэгдээгүй гомдол, маргаан байгаа тохиолдолд шалгалт дуустал бүртгэлийг устгахгүй, харин түр хаана. • Жолоочийн хувьд: аяллын бүртгэл болон жолооны үнэмлэхний зургийг хязгаарлагдмал хугацаанд лацдсан хэлбэрээр хадгална. Энэ нь эрх бүхий байгууллагаас албан ёсны шаардлага ирвэл хариулах, өмнөх аялалд гарсан гомдлыг шийдвэрлэх зорилготой. Хугацаа дуусмагц автоматаар бүрмөсөн устгагдана. Эдгээр мэдээлэлд апп дотор хэн ч хандахгүй — зөвхөн эрх бүхий байгууллагын албан шаардлагад хариулах зорилгоор ашиглагдана.
Мэдэгдэл
Захиалга баталгаажуулах болон аяллын мэдэгдлүүдийг илгээнэ. Тохиргооноосоо мэдэгдлийг унтраах боломжтой.
Бүртгэл устгах
Та хэзээ ч апп доторх Профайл → Бүртгэл устгах цэснээс өөрийн бүртгэлийг бүрэн устгах боломжтой. Устгасны дараа бүх мэдээлэл буцаан сэргээгдэхгүй.