Сүүлд шинэчлэгдсэн: 2026 оны 7-р сар
1. Апп-ийн үүрэг
ДайГды апп нь зорчигч болон жолоочийг холбож, аяллын мэдээллийг бүртгэнэ. Зорчигч аяллын төлбөрөө жолоочид биечлэн бэлнээр өгөх, эсвэл апп доторх хэтэвч, QPay-ээр төлөх боломжтой. Аяллын үнийг жолооч өөрөө тогтоож, аяллаа зарлахдаа апп дээр ил харуулна. Төлбөрийн нөхцөлийг 5-р зүйлд, цуцлалтын нөхцөлийг 6-р зүйлд тус тус заав.
2. Хариуцлага
Хэрэглэгч өөрийн захиалгын үнэн зөвд бүрэн хариуцлага хүлээнэ. Санаатай буруу захиалга хийсэн тохиолдолд хариуцлагыг бүрэн хэрэглэгч хүлээх бөгөөд апп хариуцлага хүлээхгүй.
3. Жолоочийн үүрэг
Жолооч нь хуулийн шаардлага хангасан жолооны үнэмлэхтэй, даатгалтай байх үүрэгтэй. Аялалын аюулгүй байдлыг хангах нь жолоочийн хувийн хариуцлага. Жолоочоор бүртгүүлэхэд тусдаа Жолоочийн гэрээний нөхцөлийг зөвшөөрөх шаардлагатай.
4. Мэдээллийн хамгаалал
Таны утасны дугаар болон нэрийг зөвхөн аялалыг зохицуулахад ашиглана. Гуравдагч этгээдэд шилжүүлэхгүй. Дэлгэрэнгүйг Нууцлалын бодлого хуудаснаас үзнэ үү.
5. Төлбөр
Аяллын төлбөрийг Зорчигч дараах аргуудаар төлнө: (а) Жолоочид биечлэн бэлнээр, (б) апп доторх хэтэвчний үлдэгдлээс, (в) QPay-ээр. (б), (в) тохиолдолд Компани уг дүнг Жолоочийн өмнөөс хүлээн авч, аялал дуусахад Жолоочийн хэтэвчид шилжүүлнэ; Жолооч түүнийг банкны данс руугаа гаргах хүсэлт гаргана. Хэтэвчний үлдэгдэлд хүү төлөгдөхгүй. Компани шимтгэл авах тохиолдолд түүний хэмжээ, эхлэх хугацааг урьдчилан ил тод нийтэлж, Жолоочид УРЬДЧИЛАН мэдэгдэнэ — урьдчилан мэдэгдэлгүйгээр шимтгэл суутгахгүй.
6. Цуцлалтын бодлого
Бэлнээр төлөхөөр захиалсан бол цуцлахад буцаах, суутгах мөнгө байхгүй. Апп дотор урьдчилж төлсөн тохиолдолд буцаалт нь Зорчигчийн хэтэвчид хийгдэнэ. Зорчигч аяллын өмнө захиалгаа чөлөөтэй цуцалж болно; суудал нь шууд чөлөөлөгдөж, Жолоочид мэдэгдэнэ. Жолооч аяллаа цуцалбал захиалсан бүх Зорчигчид мэдэгдэнэ. Аль ч талын давтан үндэслэлгүй цуцлалт бүртгэгдэж, ноцтой тохиолдолд Компани бүртгэлийг түр буюу бүрмөсөн хаах хүртэлх арга хэмжээ авч болно.
7. Үйлчилгээг зогсоох
ДайГды нь дурын цагт үйлчилгээний нөхцөлийг өөрчлөх эрхтэй. Нөхцөл өөрчлөгдсөн тохиолдолд хэрэглэгчдэд мэдэгдэнэ. Апп-ийг үргэлжлүүлэн ашигласнаар шинэ нөхцөлийг зөвшөөрсөнд тооцно.